Con bo por yuda

Tin varios manera cu bo por yuda nos den e campanja importante aki. E forma con bo ta hasi esaki ta depende enteramente di locual abo ta sinti confortabel di hasi. Pero sea sigur cu cualkier ayudo ta importante!

Hasi un donacion

Mescos cu den cualkier otro area, den politica ta costo placa pa un partido of un candidato por laga su mensahe yega na e publico votador. Den mi caso, mi no ta accepta ningun donacion personalmente, pero si mi ta realiza cu mi mester yuda Partido Democracia Real hanja fondo pa campanja. Por uza e link pa e partido pa mas splicacion.

Transmiti e Mensahe

Asina yamá “word of mouth” (un boca ta bisa otro) ta di vital importancia pa concientiza e publico votador. Corda cu si bo logra convence un solo persona pa deposita su confianza (y su voto) den mi persona of un otro candidato di nos partido, bo a hasi un diferencia importante. Dus bo por papia cu bo mayornan, esposo(a), yiunan, ruman, etc. Door di papia cu hendenan di confianza bo por hunga un rol importantisimo!

Organiza un anochi informativo na bo cas

Mi lo ta mas cu feliz pa bini na bo cas pa combersa cubo y bo famia y/of amigonan. Mi ta dispuesto pa contesta cualkier pregunta, aclara cualkier punto of splica mi posicion riba cualkier topico. Mi ta sinti cu e tipo di intercambio aki ta importante, especialmente pa esnan cu tin un duda of un inquietud tocante mi persona of mi posicion. Mi ta consiente cu tin rumornan cu ta wordo plamá, y lo mi aprecia e oportunidad pa mi por duna mi banda di e medaya tocante esakinan. Pa mas informacion, por fabor mandami un email.

Bira un voluntario

Den un campanja tin hopi trabao pa hasi. Cualkier trabou cu bo tin gana di hasi ta wordo aprecia grandemente. Un aspecto cu mi ta considera sumamente importante y beneficioso ta personanan cu por yuda sea mi persona of otro candidato di Partido Democracia Real aserca potencial votador pa combersa cu nan y splica nan nos posicion riba cualkier topico cu ta importante pa nan.

Identifica bo mes como un simpatisante di PDR

Hecho ta cu ta importante pa hende demonstra cu nan no ta wordo intimida pa ningun hende. Aunke siguramente mi ta respeta e opinion esnan cu ta prefera di keda discreto y no mustra pa kende nan ta vota, nos partido tin bandera, camisa (t-shirt), sticker, etc. pa esnan cu si ta dispuesto pa mustra na afiliacion na nos partido!