Conoce Serge

Mi ta kere fuertemente cu un Gobernante of Parlamentario exitoso mester dispone di un cantidad di talento y capacidad cu ta prepara e persona en cuestion pa por eherce su funcion debidamente. Na mi parecer ta imprecindibel pa nos pueblo votador exihi di e candidatonan politico pa nan por splica pakico nan ta considera nan mes capaz di eherce e funcion cu nan lo por wordo yamá pa eherce.

Den e seccion aki lo mi duna un splicacion di mi educacion y mi experiencia, y splica pakico mi ta kere cu mi ta prepara di punto di bista di educacion, experiencia y otro factornan pa por hasi un trabao bon pa nos pais. Sigur hopi mihor di locual nos a experiencia e ultimo dos decadanan.